बिमल कुमार सुनार तपाई को साथी

केटा
सम्झना मा आउँछौ कान्छी छिनकाछिन ।
सपना मा आउँछौ कान्छी दिनकादिन ।।
बरको छाँयाले
मर्नु न बाच्नु पार्यो तिम्रो मायाले ।।

केटी
गाई भैंसी हेर्दै दाउँरा घाँस गर्छु मन छैन थिरमा ।
कहाँ होला तिमी केगर्दै छौ मन हुन्छ जैले पिरमा ।।
पानी छल्को छ
मेरो आँखाभरी कान्छा तिम्रै झल्को छ ।।

केटा
पसिना भित्र डुबेर कान्छी खोज्दै छु धनलाई ।
फर्केर घर आउँला भनी बुझाउदै छु मनलाई ।।
काम मेरो चर्को छ
तेसैले याद दिन रात घर को छ ।।

केटी
काम गार्‍हो भए फर्कनु घर खोले ढिडो खाउँला ।
हामी दुबै मिली साहुको खेती गर्न सँगै जाउँला ।।
आङ ढाक्ने बर्को छ
पानी छल्ने छाना खरको छ ।।

केटा
अहिल्यै घर आउँदा कान्छी कुरा काट्लान समाजले ।
खुशी भै सबै चौतारीमा बसी बात छाट्लान समाजले ।।
पर्देश पस्दिन
दुई साल भन्दा धेरै बस्दिन ।।

केटी
कसरी बिताउ दुई साल कान्छा तिमी बिना यो ठाउँमा ।
आफन्त कहिल्यै भेटिन नी कान्छा जाली यो गाउँमा ।।
लामो श्वास फेर्दैछु
अबत म दिनरात हजुरकै बाटो हेर्दैछु ।।

केटा
दु:ख सुख अब कान्छी थोरै दिनलाई चलाऊ है ।
बुझाकीछौ मेरी कान्छी प्यारी तिमी बस ज्ञानी भै ।।
पानी तिरतिरे
साडी चोला ल्याईदिन्छु कान्छी झिलमिले ।।